如果話個市只係反彈, 唔係轉勢上升, 相信大部分人都會贊同, 既然明知道是反彈, 即是升幅有限啦, 升到25000點好未? 都係得14%左右, 值唔值得去博反彈呢?
D人睇好原因, 總括來說如下:
1). 奧運效應, 奧運將近, 阿爺為了歌舞昇平, 一定踢高個市, 唔會比佢跌.
尼個係眾人幻想. 以前, 國家辦奧運是為了顯視國力, 但自從傳聖火遭藏獨分子搞事後, 辦奧運已經變了安全奧運, 唔好搞咁多野平安無事為上, 安安全全度過奧運就最重要. 再者, 現今主理中國財經官員是朱總高徒王歧山, 回想起94年, 如果唔係朱總刹停中國泡沫經濟, 97金融風暴中國都唔知點過, 自從去年次按危機開始, A股老早開始自己跌, 去年胡總多次強調金融安全, 所以有理由相信, 我國一眾醒目既財經官員自己計畫自己質低自己股市, 避免全球出事時, 人家來突襲, 6月時國務院不停強調宏觀目的唔好吹大自己泡沫, 影響國家穩定, 搞咗成年, A股已係跌左, 國內房地產已靜靜回落, 搞咁先搞到, 想一想阿爺會唔會臨近奧運前來搞衰自己呢? 無理由踢高個市比機會外敵來搞搞震架? 奧運效應根本唔存在, 正如六月尾時, 人人都念住半年結, 個市會反彈做好, 結果係半年結就無, 氣結就有, 月尾追入既人,即刻蟹咗. 另外, 用陰謀論睇, 如果全部資金都睇住炒澳運, 會唔會全部都等炒完澳運後大家一齊走呀? Smart money 會唔會先走人呢?
2). 美國大選年, 有利股市, 殊仔唔想衰收尾, 一定頂住個市, 唔比佢跌.
但實情係美國次按引發信貸緊縮問題好似一發不可收拾, 而且越來越高, 銀行倒閉潮好似一浪接一浪, 泥菩薩過河, 想保都保唔住.
3). 又有人話, 伊朗摣咗期油, 沽空美股, 所以美國出現了敵人, 一定會踢高個市, 質低D期油, 要伊朗輸死為止! 尼D傳聞就算屬實, 美國有無能力去做呢? 上幾個星期, 杜指每次急跌後, 隻無形之手好容易就可以踢高個市, 而且好多時是由頂乁到尾, 夾死D淡友, 但近兩個星期, 每當美股急跌, 只有中段踢高, 尾市硬係要由高位回一回, 夾升力量似乎減弱, 否則美國政府唔會走出來話, 要立例禁止沽空啦. 如果賭美國頂得住, 即是賭經濟週期大勢可以用人力改變!!
4). 有人指出, 恒指由高位26387回落至20573, 已經跌了5288 點, 都應該來個似樣既大反彈啦? 到底會唔會有大型反彈呢? 好了, 我哋又吓恒生指數歷史, 睇睇會唔會大反彈!
1981年, 恒指高位1810點回落, 低位跌至1113點, 熊二反彈至1400點左右, 之後是拾級而下.
1987年, 恒指高位3968點回落, 低位跌至1876, 之後直插無反彈.
1994年, 恒指高位12599, 低位跌落至8249, 熊二反彈至10280, 之後是急跌.
1997年, 恒指高位16280, 低位元跌落至7909, 熊二反彈至11926, 之後是急跌.
2000年雙頂, 第二個頂高位18126, 低位跌落至13894, 熊二反彈至16275, 之後又係急跌.
2007年, 恒指高位31958, 低位元跌落至20573, 熊二反彈至26387,
熊市中, 每一跌市的熊二反彈, 都是大約跌幅的50%左右, 之後再無反彈.
今次跌浪, 由上年11月開始, 至今年3月20573後, 5月反彈至26387, 反彈升幅為跌幅的51%, 所以有理由相信, 尼次跌浪熊二已完成. 恒生指數歷史中, 從來都不會熊二反彈彼, 再反彈50%的, 所以有理由相信7月份以後恒指是向下尋底, 而20573相信會跌穿.
再睇吓現時世界各地股市情況, 係唔係你個個都無得彈先? 三月貝爾斯登出事時, 世界各地指數都創出新低, 本周 ”兩美”出事, 世界各地股市係咪又創新低?
杜指破左, 三月低位1749, 最近低見10962,
標普破左, 三月低位1273, 最近低見1214.
DAX德國破左 三月低位6182, 最近低見6081.
FTSE100英國破左, 三月低位5605, 最近低見5171.
CAC40法國破左, 三月低位12241, 最近低見12754.
剩返日本, 香港, 同埋巴西未破低位!!.
又來估吓歐美都破左, 港股會唔會破呢?
你又估會唔會唔破就彈返上去喇?
熊市中, 應該趁每一次大反彈(單日上升600點)買PUT, 熊市反彈, 只會越來越弱, 每一次急升反彈, 都是做淡良機, 以牛市高位回調50%為熊市終點計, 反彈買PUT的利潤可以係非常和味. 正如於7月17日早上恒指急升600點時, 開一張大期淡倉, 以21880點入計, 高位回調50%為15979, 留最後1000點比人食, 即是17000食糊, 利潤有4880點, 既是24萬. 唔玩期指, 買熊證都得, 若在7月17日早上以$0.7買入10萬股30062, 在熊市終點站, 17000點食, 有七毫賺, 既是7萬大元, 夠未?
熊市中仲使咪撈底掃貨博反彈呀?
工作是獲取收入。儲蓄是增加資本。投資才足以致富!
很多人也知道日出是美麗的,但等待的一刻卻沒有幾個能抵受睡魔的侵襲
升市時越望越高~跌市時越望越低~最後結果就係變左高買低賣
投資是一很孤獨和寂寞的活動,很多時候也只是在等待(有點像釣魚),這是與人的本性有相當背馳的
倘歐債惡化導致終極一跌,內地必會加大救市力度,如加速減存準率甚至減息,其時便是買入時機
很多人也知道日出是美麗的,但等待的一刻卻沒有幾個能抵受睡魔的侵襲
升市時越望越高~跌市時越望越低~最後結果就係變左高買低賣
投資是一很孤獨和寂寞的活動,很多時候也只是在等待(有點像釣魚),這是與人的本性有相當背馳的
倘歐債惡化導致終極一跌,內地必會加大救市力度,如加速減存準率甚至減息,其時便是買入時機
2008年7月18日星期五
訂閱:
發佈留言 (Atom)
本網頁屬個人網頁,文章屬轉載及引用文章,出處自澳門流動社區財經金融版主buffetfans的文章,敬請留意。
BAIKINMAN-DOKINCHAN
股市趨勢的根源:*資金成本 *貨幣供應 *估值 *市場情緒 *經濟環境 *大企業盈利表現*市場心理預期
市盈率高低,跟抗跌力高低沒有任何關係,投資者看的是企業盈利的穩定性及增長潛力,相對他們付出的價錢,是否認為物有所值。
股票的利益是忍耐的報酬,賺錢十分一靠聰明,十分九靠忍耐
你可能艱苦經營而取不到成果,一次非常偶然的決定性機會才重要
股市趨勢的根源:*資金成本 *貨幣供應 *估值 *市場情緒 *經濟環境 *大企業盈利表現*市場心理預期
市盈率高低,跟抗跌力高低沒有任何關係,投資者看的是企業盈利的穩定性及增長潛力,相對他們付出的價錢,是否認為物有所值。
股票的利益是忍耐的報酬,賺錢十分一靠聰明,十分九靠忍耐
你可能艱苦經營而取不到成果,一次非常偶然的決定性機會才重要
選股準則::投資前, 首先需要區隔開那些是屬於買不得的老千股或垃圾股, 其次便是選擇那些是受惠未來發展趨勢的股票, 最後便從中選擇那些是值得買入的, 例如以預期估值及盈利增長、是否具有估值向上重估的催化劑、行業吸引力度、管理層能力和往績、公司的行業地位和經營模式、TA等等準則進行選擇。
入市前應先確認個 「 勢 」 ,步驟如下:確認大市強弱 → 確認相關股份板塊強弱 → 確認個別股份強弱 /估值/前景
入市前應先確認個 「 勢 」 ,步驟如下:確認大市強弱 → 確認相關股份板塊強弱 → 確認個別股份強弱 /估值/前景
沒有留言:
發佈留言