首先總結一下今日突如其來既大升市 , 係受到咩原因大升!
恒指 收市 14521 + 1002 總成交 752億元
尋晚美股止跌回升 , 英國匯豐因供股權停止買賣大升至近47元 , 上證突破2400點, 再向上挑戰高位, 牛市重來言論滿佈兩市 !! 金管局再次承接美元沽盤 , 但總額比較少 ,卻反應在美元非偏弱之下,仍有熱錢流入, 相信與匯豐供股有關!
如果以昨日港股反映美期急挫近百點 ,但到頭來回升近百點, 這已帶動港股有近二百點升幅 ; 匯豐英美收市, 高企近47元, 香港追落後, 為恒指開市帶動150點升幅 ! 恒指裂口高開四百幾點 , 一路持續強勢! 主要受到市場再次大炒今晚美國可能取消 "MARK TO MARKET " 既會計入脹手法 , 帶動匯豐突破折合供股前收市價 , 而中移在這升浪遠遠落後大市, 今日回復挑戰阻力位! 恒指金融股升幅佔大市升幅55%左右 , 地產股 及能源股都佔不少! 所以整個升浪中, 靠消息及突破阻力而大炒 ,成交配合, 使整個上升浪回復完整!
未來走勢如何? 先看今晚MTM 結果; 再留意成交額! 皆因上升浪已出現4個裂口, 往往第四個裂口出現, 恒指再向上動力不足, 反而向下回補裂口機會較高!未來恒指動力需要靠 中移動 帶動!
如果睇技術走勢, 上升浪走勢幾靚, 只係遺下4個裂口, 以及係各別既技術工具已出現超買, 需要再回吐回補裂口整固! 不過, 10天, 20天 呢兩個主要指標仍然維持強勢 , 因此短炒以20天作為止蝕位, 可以隨升浪短炒!
如果話回吐, 那要視乎今晚 MARK TO MARKET 結果 ,以及成交能否配合! 暫時頂位好難預測, 當中有好多浮動數據可以左右大市升勢 !eg. 中移動能否接力炒上; 匯豐大莊會否在沒有新股既買賣下, 再推高股價 ; g20 會後會否達成協議 ; 中央會否隨時又公布利好香港既政策 ,如 "人民幣離岸結算中心" 等! 所以在市場氣氛轉佳之中,預期估計回吐至完成升浪, 也許會自己錯過好多機會!!
假如, 第一個浪越升越有 , 那回吐至 使上升浪結束 , 那上面既阻力會加大, 所以需要更大既消息支持! eg. 美聯儲再加大印鈔 等. 如果今日大升後, 今晚結果無市場預期一樣 , 那就要小心啦!!
沒有留言:
發佈留言